Малын эмч бол хүн төрөлхтний эмч гэдгийг энэ хүнтэй цөөхөн хором хөөрөлдөхдөө улам бататгаж авлаа. Залуу хойч үедээ үлгэр дуурайлал үзүүлж, амьдралын баялаг туршлагаа өвлүүлэн үлдээж яваа Баянцагаан сумын Зогсоол багийн ахмад настан, малын эмч Сандагийн Цэвэгмид гуайд "Хөдөлмөрч манлай ахмад" шагналыг гардуулж хүндэтгэл үзүүллээ. Дэлгэрхаан, Эрдэнэ, Баянцагаан сумын мал эмнэлэгт ажиллаж зах зээлийн нийгэмд шилжихэд өмч хувьчлалаар мал эмнэлгээ хувьчлан авч мал эрүүлжүүлэх, эдгээх үйлсэд насаараа зүтгэж, өөрийн мэргэжлийг хүүдээ өвлүүлэн одоо ч зааж зөвлөсөөр яваа буурай танд урт нас, удаан жаргалыг ерөөе. Түүний үр хүүхдүүд төрөлх сумаа хөгжүүлэх үйлсэд салбар бүрт амжилт гарган, хөдөөд сайхан амьдарч болдгийг үзүүлж, үлгэрлэж явна.